Akileeqqaarlusi, qujanaq

Royal Arctic Line malittarisassanik nutaanik pingasunngornermiit atuutilersunik sukaterivoq, taamaalilluni pajuttup nunaqarfimmut tikinnissaa ullunik marlunnik sioqqullugu nassiussassanut akileereertoqartalissalluni. Allannguinermi aamma pineqarput nassiussat nunaqarfinniit aallartussat, taakkulu aamma ullut marluk sioqqullugu akilerneqareersimasussaallutik.

Royal Arctic Line akiligassanik siornatigut nassitsiinnartaraluarpoq, kisiannili tassa maanna atuisut akileeqqaanngippata, nassiussat usingiarneqaratillu usilersuinermi ilanngunneqartarunnaassapput akilereersimanngikkaagata.

Aamma allannguutaavoq, nassiussat umiarsuup pajuttup tikinnissaa sapaatip akunneranik sioqqullugu tunniunneqatalernissaat. Taamaaliortoqarsimanngippat nassiussat sapaatip akunnerini marlunni kinguaattoortalissapput, Royal Arctic Line-imi ingerlatsinermut pisortaq, Jakob Nordstrøm, naqissusiivoq.