Air Greenlandip timmisartuutaa Islandimut sangusoq
Ilaasut arlaqartut islandip illoqarfiisa pingaarnersaannut niuineqassammata angalanermi allannguisoqarpoq. Air Greenlandip pisoq uppernarsarpaat, ilaasulli sooq Reykjavikkimut niuneqartariaqarsimaneri oqaaseqarfigerusunngilaat.
- Ilaasartutta akornanni pisut akornatsinniiginnarnissaat qajassuuppagut, timmisartuutileqatigiiffiup attaveqaqatigiinnermi pisortaa, Kathrine Nathanielsen oqarpoq.
Taassumali timmisartup Kangerlussuarmiit aallareersimanerani pisoq pineqartoq uppernarsarpaa. Attaveqaqatigiinnermullu pisortap aamma oqaatigaa pisumi politiit ilaatinneqartariaqarsimanngitsut.
Reykjavikkimut mikkallarnermi timmisartumi ilaasut sinneri akunnerup affaanik kinguaattoorlutik tikittussanngorput.