VIDEO Aggooraq Lynge dronningip inuuissiornerani malittaraarput
Dronning Margrethep ippassaq sisamanngornermi 75-inik ukioqalerluni inuuissiornera Københavnimi Fredensborgimi Nuummilu Nuutoqqami nalliuttorsiutigineqarpoq.
Inuuissiortup nalliuttorsiutigineqarneranik qanimut malinnaasut ilagaat Aggooraq Lynge.
Nalliuttorsiornerit ippassarli (pingasunngorneq, aaqq.) malinnaaffigaakka. Kunngikkormiut, qaaqqusat minnerunngitsumillu nalunngisakkka takussallugit nuannaraara. Ilisarigaangakkit assut nuannaajallattarpunga, Aggooraq Lynge KNR-imut taama oqarpoq.
Aamma atuaruk Dronningip inuuiani eqqaamasalersaarput
Translatøritut ilinniagarnerminut atatillugu, kunngip Frederiup dronning Ingridiullu Nuummut 1968-imi tikeraarneranni oqaluttaavoq. Kingornalu kunngikkormiut Nunatsinnut tikeraarlutik Nuummut tikikkaangata Rigsombudeqarfimmi nutserisuusimasoq kunngikkormiunut oqaluttaasarsimavoq.
Kunngikkormiut katersuuffiupput
- Kunngikkormiunik pingaartitsilerninnut tamanna aallarniutaagunarpoq.
- Kunngikkormiut naalagaaffeqatigiinnut pingaaruteqarujussuartut isigaakka. Katersuuffiupput inuiaqatigiinnut qallunaanut, kalaallinut savalimmiormiunullu, taama oqaluttuarpoq.
Dronningip nalliuttorsiutigineqarneranik ilanngutassiaq qulaani isiginnaarsinnaavat.