Abep qinersinissaq ukiumik ataatsimik sioqqutsilluni suaarutigigaa
Shinzo Abep Japanimi, Korea avannarlermut maannakkorpiaq sakkortuumik saqitsaassuteqartumi, tapersersorneqarnera alliartuinnarpoq.
- Inatsisartut aappaat septembarip 28-ani atorunnaarsinniarpakka, Shinzo Abe taama oqarpoq.
Tamannalu qinersinissamut, oktobarip naanerani pisussatut naatsorsuutigineqartumut alloriarnerit siullersarissavaat. Nutaarsiassaqartitsivik Reuters naapertorlugu oktobarip 22-ani qinersisoqassaaq.
Korea avannarliup Japanip tungaanut rakettinik igeriussisarnera ilaatigut pissutigalugu Japanip Korea avannarliullu saqitsaannerat maannakkorpiaq sakkortuseqqavoq.
Qinersisartunik isumasiuinerit pitsaavallaarsimanngitsut, Abemut Korea avannarlermut tunngatillugu siuttutut nukittuutut saqqumisumut maanna pitsaanerulersimapput.
/ritzau/Reuters
