ASSIT Aasiviup ammarneqarnerani sialuk
Aasivittarnerit ukiorpassuarni ingerlanneqanngeriarlutik Narsap eqqaani ullumi Aasivissiortoqaqqippoq.
KNR-ip ilanngutassiortua, Nûno Isbosethsen ukioq manna Aasivittoqarnermi najuuppoq, toqqillu 30-t missaanniittut napparneqartut inuillu 150-t missaanniittut takkuttut, taassuma oqaatigaa.
- Qiimanarpoq, inuit nuannapput kalaaliminertuullutillu, Isbosethsen oqarpoq.
Aamma atuaruk Aasivik toqqissisimanartuussaaq
Aamma atuaruk Aasivilerisarneq aallarteqqippoq
Aasivik ammaanersiorlugu Aasivimmi siulittaasoq Ivalo Motzfeldt nalunaaqutaq 15.00 oqalugiarpoq.
Aasivittoqarnermi nipilersortartut qulit assigiinngitsut appisimaartassapput, nerisassat sassaalliutigineqartassallutik oqallittoqartarumaarlunilu.
Ajoraluartumilli sila atoruminarpallaanngilaq.
- Silagippallaanngilaq, siallilillattaavoq, Nuno Isbosethsen oqarpoq.