Aasiaat Radio attaveqaqqilerpoq
Aasiaat Radio pissami sivikitsumi attaveerukkaluariarluni maanna attaveqaqqilersoq Tele-Postip nalunaarutigaa.
Allattoq Mads Lynge
Aasiaat Radio ullumi arfininngornermi ullaap tungaani akunnerit pingajuata qeqqa attaveerukkaluarpoq, atortunik ajoquteqartoqarnera pissutaalluni attaveerukkaluarluni.
Ajunaalernermi nassitsissutit Aasiaat Radioat aqqutigalugu ullaap tungaani nalunaaqutaq qulingiluanut qiteqqutilerneranit attaveerukkaluarput, ajornartorsiulli teknikerit suligasuartinnerisigut aaqqinneqarput.
Issittumi Sakkutooqarfik politiillu attaveeruttoqarnera pillugu Tele-Postimit kalerrinneqarput, attaveeruttoqaraluarneralu Tele-Postimit ajuusaarutigineqarpoq.