'Aaseralaat' Ilulissani nuannarisaalluarput
Ilulissani kulturip illorsuani Sermermiuni sapaatip akunnera kingulleq pingasunngorneq, sisamanngorneq tallimanngornerlu illartoqangaatsiarpoq aliikkusersuinernut pingasunut billetit 506-it pisiarineqarmata.
- Inuiattut ilisarnaapput illarumatuneq aliikkusersuinerni qaffaqqippoq, Sermermiuni sulisoq Jonas Fleischer oqarpoq.
Oqaluttuatoqaativut ilaatigut aamma isumassarsiorfigineqarput. Anngannguujunnguaq allanngortillugu 'Tanngannguujunnguaq'-mik taagorneqarpoq. Aamma kakkununnga sammisut mininneqanngilaq nunatsinni atortittartut siullersaat quiasaarutigineqarmat.
Nipilersuuserluni Poul Wille akunniliivoq Elvis Presley-usaarluni.
- Inuit ilaat isissutissanik nunguussaasut isumatusaassapput tullissaanut billetisereertuugunik, Jonas Fleischer oqarpoq.
Kulturip illorsuani issiaviit 153-upput unnunnilu pingasuni aliikkusersuinermi isissutissat nungunneqartarput.