Aarrit toqungasut hunnorujulikkuutaat Alaskami siumorneqartut

Aarrit hunnorujulikkaat Alaskami sissat ilaanni toqungasut sapaatip-akunnerata kingulliup ingerlanerani siumorneqarnerat uissuummisitsivpq, Alaskap avannamut sineriaata ilaani aarrit toqungasut siumorneqarlutik.

Aarrit 35.000-it Point Layimi qaammatip massuma ingerlanerani siumorneqarput, aarrillu toqungasut hunnorujulikkaat Point Layip eqqaani siumorneqarlutik.

USA-mi avatangiisinik nakkutilliisoqarfiup erseqqissaatigaat aarrit pineqartut aallaaneqarlutik toqunneqarsimanngitsut. Nannulli saassussineranni qimaaniarneranni toqungasut nanerneqarsimanissaat ilimanarnerussasoq, imaluunniit arlaatigut qunusaarneqarsimasinnaanerannit pisimasinnaalluni. CBS News taama ilaatigut allaaserisaqarpoq.

Aarrit ataatsimoortukkuutaat amerlasuut qimaaniarnerminni aarrinik allanik nanertuisinnaasarput taamaalinerminni toqussinnaasarlugit. USA-milu oqartussat tamanna maanna ilimagineruaat.

Silalli pissusiata allanngoriartornerata kingunerisaanik immap sikuata aakkiartornera aamma pissutaasinnaasoq nalunaarutigineqarpoq, tassami aarrit nerisassarsiornerminnut atatillugu sikumiissinnarlutik immamut aqqartarmata sikumullu qaqeqqittarlutik.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat

...allarpassuillu!