Aarhusimi Avalaap unitsikkallarneqarnissaa pinngitsoortinneqartoq

Avalak Aarhus Facebookimi quppernermini taama allaaserisaqarpoq.

Peqatigiiffiup ukiumoortumik ataatsimeersuarnerani siulersuisunik qinersisinnaasoqarsimanngitsoq, Avalaap Aarhusip immikkoortortaqarfiani siulittaasuugallartup Mia H. Kleistip sapaatip-akunnialunnguit matuma siornatigut oqaluttuarigaa KNR-imi allaaseraarput.

AAMMA ATUARUK Kalaallit ilinniagaqartut peqatigiiffiat Aarhusimiittoq unikkallassagunartoq

Inuimmi tallimaannaat ataatsimeersuarnermut takkupput, taakkunannga pingasut siulersuisunit tunuartussaallutik.

Immikkulli ittumik sapaatip-akunnerata naanerani ataatsimeersuartoqarpoq, siulersuisunillu nutaanik inissittoqarpoq. Avalak Aarhus taamaasilluni ingerlaqqissinnaanngorpoq.

AAMMA ATUARUK - Oqaatsit marluutillugit pisariaqartippagut

Siulersuisunngortut tassaapput:

Mia Chemnitz - siulittaasoq
Sarah Petersen - sulittaasup tullia
Inunnguaq Olsen - aningaaserisoq
Elisabeth Fleischer Henriksen - siulersuisuunerni sinniisoq
Sikkerninnguaq -  siulersuisuunerni sinniisoq
Sofia Monika Pars
Ida Marie Rasmussen
Qulutaq Rosing Kleemann
Miki