Assi: KNR

Aapparisaqp isertitai apeqqutaatinnagit pensionisiaqalernissaq qulaakkeerniarneqarpoq

Siusinaartumik pensionisiallit pillugit aaqqissuusseqqinneq siorna juulimi atuutilersoq, Naalakkersuisut allanngortinnialerpaat. Allannguinikkut Naalakkersuisut qulakkeerniarpaat innuttaasut annerpaamik siusinaartumik pensionisiallit, aapparmik isertitaat apeqqutaatinnagit pensionisiaqarnissaat.

Naalakkersuisut siunersuutaat piviusoq unaavoq:

Siusinaartumik annerpaamik pensionisiallit aapparmik aningaasarsiaat apeqqutaatinnagit tunngaviusumik pensionisiaqartalernissaat qulakkiissallugu.

Naalakkersuisut siunnersuuteqarnermikkut qulakkeerniarpaat siusinaartumik pensionisiallit aappaminnik isumalluuteqannginnissat, namminnerlu ulluinnarni pisariaqartitaminnik soorlu eqqiluisaarnermut atortunik nerisassanillu pisisinnaanissaat.

Tamatuma inernerissavaa innuttaasup ataatsip siusinaartumik annerpaamik pensionisiallip aappani isertitaqaraluartoq 55.000 koruuninik isertitaqarsinnaalluni.

Siusinaartumik pensionisiallit namminneq aatsaat koruuninik 28.000-nik akissarsigunik pensionisiaanut naatsorsuunneqartassapput.

Siusinaartumik pensionisialik koruunit 83.748-t qaangerlugit akissarsiguni sulisinnaanini nalilerteqqissavaa.

Allannguinerit Namminersorlutik Oqartussanut ukiumut 7 millionit koruuninik aningaasartuutaassapput. Siusinaartumik pensionisialinnut aaqqissuusseqqinnermi ileqqaarutaasut affaat naalakkersuisut taamaalillutik atorpaat - aaqqissuusseqqinnermi ukiumut 14 millionit koruunit ileqqaarutaassasut missingiunneqaraluarmat.

Aningaasaqarnermut naalakkersuisoqarfiup tusarniaanermut akissummini erseqqissaassutigaa allannguuteqarnerup siusinaartumik pensionisiallit pigissaarnerit iluaqusernerussagai - tassalu siusinaartumik pensiunisiallit isertitalimmik inooqatillit.


Siunnersuut partiinit tamanit Inatsisartuni taperserneqarpoq, sisamanngornermilu Inatsisartuni siullermeerneqareerluni ilaqutariinnermut peqqissutsimullu ataatsimiititaliamut ingerlateqqinneqarpoq.
 

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat

...allarpassuillu!