Aappaariinnerup iluani pinngitsaaliilluni atoqateqartarneq
Apeqqullu taanna Kalaallit Nunaanni Eqqartuussiveqarneq pillugu Siunnersuisoqatigiit kingullermik ataatsimiinnerini eqqartoqarpoq, allannguutissatullu siunnersuutigineqartoq isumaqatigineqarluni. Tamanna ilutigalugu pinerluttulerinermi nutarneqarnerusinnaanera anguniarlugu pinerluttulerinermi inatsisip allanngortinneqarnissaanut tamanit isummersuutit siunnersuisoqatigiit ujartorpaat.
-Kalaallit Nunaanni Eqqartuussiveqarneq pillugu Siunnersuisoqatigiit pinngitsaaliilluni atoqateqarnermik isiginnittaatsinnut isumaqataanerat nuannaarutigisupilussuuara. Uigisammi imaluunniit angutip allap pinngitsaaliilluni atornerluinera assigiipput. Danmarkimi aasaq taamatut allannguuteqartoqartitsisoqarpoq, Nunatsinnilu maanna aalajangiiffigineqarluni. Inatsisinik suliaqartoqarnera maanna utaqqiinnassavarput, tamannalumi aamma sivisusinnaavoqn, Naaja Nathanielsen knr.gl-imut.