Aappaagumut aaffattassat nannuttassallu saqqummiunneqartut
Tamanna piniakkanut ataasiakkaanut pineqartunut susassaqartunik tusarniaanermi akissuteqaatit tunngavigalugit uumassusilerisunit siunnersuineq kingulleq malillugu pisoq, Namminersorlutik Oqartussat tusagassiuutinut nalunaarummi allapput.
Nannuttassiissutit tamakkiisut siornamut naleqqiullugit allannguuteqaratik 140-nik amerlassuseqarput:
Kanep Imartorngani arfinillit, Baffinip Kangerliumarngani 67-it, Davis Strædemi pingasut, Nunattalu kangiani kujataanilu 64-it.
Aarrinik pisassiissutit 2017-imi 172-nik amerlassuseqarput:
Qaanaami 85-it, kitaata sinnerani 69-it Tunumilu 18-it.
Qaanaaq eqqaassanngikkaanni pisassiissutit ukiup siulianut sanilliullugit amerlassutsimikkut nikinngitsut, Namminersorlutik Oqartussat nalunaarummi allapput.
Uumassusilerisut Qaanaamut tunngatillugu siunnersuinerat 2015-imi nutarterneqarpoq, taannalu naapertorlugu Qaanaap aqutsiveqarfianut pisassiissutit iluarsiivigineqarlutik.
