Aalisartut nunatsinnut utertut maleruaqqusanit sukannersunit eqqugaasartut
Nunatsinni sivikinnerpaamik ukiuni marlunni najugaqaqqaarnissamik piumasaqaatigineqartoq aalisartut nunatta avataani najugaqarsimasut nunatsinnullu uteqqittut aporfigisarpaat.
Allattoq Inge S. Rasmussen
decembarip 06-at 2017 10:31
Nutserisoq Bikki P. Kleist
AG taama allaaserisaqarpoq.
Vilhelm Joelsenip panni kræfteqarlernera pissutigalugu Danmarkimut nuuttariaqarsimasoq ukiorpaalussuarnilu najugaqarsimasoq AG-mit apersorneqarpoq.
Vilhelm Joelsenip paniata napparsimanini toqqutigaa, tamatumalu kingorna nunatsinnut uterluni. Naak kilisaatini inuttatut ukiuni 20-ni tunisassiornermilu formanditut ukiuni aqqaneq marlunni misilittagaqaraluarluni
ingerlaannaq atorfineqqissinnaanngilaq.
Taarsiulluguli Nuummi angerlarsimaffeqanngitsut najugaqarfianni sulisuuvoq. AG taama allaaserisaqarpoq.
Sulisitsisut peqatigiiffiata aviisimut uppernarsarpaa, kilisaatini inuttat pillugit maleruaqqusat sukateriffigineqarnerisigut aalisartut nunatsinnut uteqqittut eqqugaasartut.
