Aalisartut millionerpassuarnik iluanaaruteqartut
2016-imi tunisat tamarmiusut siornamut naleqqiullugit 18 procentinik amerleriaateqarfiupput. Naliinullu tunngatillugu tunisat 24 procentinik amerleriaateqarput, Naatsorsueqqissaartarfik taama ilisimatitsivoq.
Qalerallit taama angusarissaartigisoqarneranut pissutaanerpaapput. 2016-imi qaleralinnik tunisat 662 millionit koruuninik naleqarput, ukiup siuliani 466 millionit koruuniusut.
Raajat saarulliillu tunineqartut siorna aamma amerlanerusimapput.
Nipisannilli tunisineq ukiup siuliani 7.000 tonsiusoq 2016-imi 5.000 tonsit missaannaaniippoq.