Aalisartoq umiarsuarmit aalisariummit aaneqartariaqartoq
Umiarsuarmi aalisariummi aalisartoq marlunngornerup pingasunngornerullu unnuaani aaneqarpoq. Issittumi Sakkutooqarfik aallertuuvoq.
Allattoq Kenneth Elkjær
Nutserisoq Connie Fontain
Joint Rescue Coordination Center, JRCC Issittumi Sakkutooqarfimmiittoq kalaallit aalisariutaanit pingasunngornerup unnuaani attavigineqarpoq. Umiarsuarmi inuttut ilaat isikkaminik ajoqusersimavoq nakorsamillu takuneqartariaqarluni.
JRCC-p umiarsuaq alapernaarsuut HVIDBJØRNEN umiarsuup qanittuaniittoq attavigaa. Alapernaarsuutip inuttat ajutoorsimasoq aaniarlugu qulimiguulik LYNX aalisariummukartippaa, ajoqusersimasorlu HVIDBJØRN-imukaallugu. Aalisartoq, isikkaminik ajoqusersimasoq pingasunngornermi Tasiilamukaanneqassaaq, ajoqusernerilu nakorsamit suliarineqassallutik.