Aalisarnermut nalunaarsuinerit amigaataasut
Taakku tassaapput, inuussutissarsiutigalugu aalisarnermi aammalu nunami tunisassiorneq pillugu inatsit naapertorlugu tunisassiornikkut aningaasaqarnikkullu paasissutissanik nalunaarutiginninnissamut piumasarineqartut.
Inuussutissarsiutigalugu aalisarnermik angallatinilluunniit 6 meteri qaangerlugu angissusillit atorlugit aalisarnermik kiisalu nunami tunissassiornermik tunitsiveqarnermillu ingerlataqartut nalunaaruteqarnissaat piumasaqaatitaqarpoq, Kalaallit Nunaanni Aalisarsinnaanermut Akuersissutinik Nakkutilliisoqarfik paasissutissiivoq.
Umiatsiaaqqanik 6 m angullugit ataallugilluunniiy angissusillit atorlugit aalisarnertut kisimik piumasaqaammut ilanngunneqanngillat.
Nalunaarutiginninnissamut septembarip aallaqqaataat killissaritinneqarpoq taamaakkaluartorli nalunaarutiginninnermik suli nassiussisoqarsinnaavoq.
Nalunaarutiginninnginneq politiinut unnerluussinermik kinguneqarsinnaasoq, Aalisarsinnaanermut Akuersissutinik Nakkutilliisoqarfik erseqqissaavoq.
