Aalisarnermut Naalakkersuisumik nutaamik toqqaasoqartinnagu IA oqaaseqarusunngilaq
Naalakkersuisunut ilaasortat taarserneqassatillugit Inatsisartuni aalajangerneqartarpoq, taarsiisoqarnissamillu pisortatigoortumik suli nalunaaruteqartoqanngilaq IA-p siulittasua Sara Olsvit KNR-imut oqarpoq.
Aalisarnermut piniarnermut nunalerinermullu Naalakersuisup Karl Kristian Krusep naalakkersuisutut ataasinngornermi aqagu taarserneqarnissaanik KNR-imit tusagaq ippassaq oqaluttuaraarput.
Nikolaj Jeremiassen Aalisanermut Piniarnermut Nunalerinermullu Naalakkersuisoq nutaaq
KNRimilu paasissutissat naapertorlugit, Karl Kristian Krusep naalakkersuisoqarfiani Nikolaj Jeremiassen naalakkersunngussaaq.
Nikolaj Jeremiassen pisoq pillugu oqaaseqarsinnaanani ullumi knr-imut oqaluttuarpoq.
- Tassunga tunngatillugu maannakkut oqaaseqarsinnaanngilanga aamma nutaarsiassaateqanngilanga Nikolaj Jeremiassen oqarpoq,
- Karl Kristian Kruse Naalakkersuisutut tunuassaguni nammineq uppernarsatussaavaa uangaanngitsoq, Nikolaj Jeremiassen oqarpoq, ilanngullugu nalunaarutigaa Naalakkersuisut siulittaasuannik Kim Kielsenimik oqaloqateqarsimanani.
- Aalisarnermut Piniarnermut Nunalerinermullu Naalakkersuisutut ivertinneqaruma ivertinneqassagumalu oqaaseqarsinnaavunga, Nikolaj Jeremiassen Siumut KNR-imut taama oqarpoq
Naalakkersuisut siulittaasuat Kim Kielsen oqaaseqartinniarneqaraluarpoq tamannali iluatsissinnaasimanngilaq. .
Naalakkersuisumik nutaamik ivertitsisoqassappat Naalakkersuisut siulittaassuata Kim Kielsenip inatsisartunut siunnersuutigisussaavaa, tamannalu aqagu inatsisartut ataatsiminneranni pisussaavoq. Siunnersuutigineqartoq Inatsisartuni akuersissutigineqartussaavoq.