Aalisarnermut inatsisissaq Enoksenip mianersoqqussutigaa
Aalisarnermut inatsit nutaaq akuersissutigineqassappat tamanna inuiaqatigiinni aningaasaqarnikkut kinguneqarnerlussinnaannera, Angunnguaq A/S-imi piginnittup aalisarnermilu ukiuni 20-ni misilittagaqartup ernumanartoqartippaa.
Piffissami sivikitsuinnarmi akuersissuteqartalernissaq atulissappata tamanna Hanseeraq Enoksenip aamma ernumanartoqartippaa.
- Akuersissutit ukiut tallimakkaaginnalissappata, raajarniartullu amerlissagaluarpata taava aningaasatigut kingunissai ernummatigaakka, Hanseeraq Enoksen oqarpoq nangillunilu:
Aalisartut aningaaserivimmut atorniarsinnaanerat killeqalersinnaavoq, taava aatsaat iluamik inuiaqatigiit akornanni paatsiveerunneqalissaaq, Enoksen isumaqarpoq.
AAMMA ATUARUK Umiarsuaatileqatigiiffiit eqqartuussivilersuussinissamik Kielsenimut sioorasaaruteqartut
Qanga pisut
Nunatsinni kilisaatit akunnattut armerlasuut 1990-ikkunni avataasiuleraluarput ilaallu kattuttariaqalersimallutik.
- Pissuseq taanna uterfigisoornissaa ernummatigaara, massakkut oqanngilanga akiliisinnaajunnaassasut, kisianni eqqaamassavarput, taamanikkut akiliisinnaajunnaangajassimaneq, taamaattumik kilisaatit avataasiortut nunanut sanilitsinnut unammillersinnaasariaqarput, nunatta aningaasaqarneranut iluaqutaassagunik, Hanseeraq Enoksen oqarpoq.
AAMMA ATUARUK Umiatsiaqarpallaarneq aalisarnermut iluanaarutissaqartitsinngitsoq