Aalisarneq kisimi isumalluutaassanngilaq
Aalisarneq kisiat isumalluutigineqanngippat, taava Nunatta aningaasarliornera anigorneqarsinnaalluartoq, Aningaaserivissuup pisortaa, Lars Rohde oqarpoq.
- Kalaallit Nunaata aningaasaqarnera ukiuni kingullerni siuariartorsimanngilaq, maluginiakkattalu ilagaat aningaasarsiutigineqartoq ataasiinnaanerusoq, tassalu aalisarnermit aningaasat isaatinneqartut, Naalagaaffiup aningaaserivissuata pisortaa, Lars Rohde oqarpoq.
Aningaasanut inatsit aappaagumoortoq: periarfissat allat siuarsassapput
Aningaasanut inatsit aappaagumoortoq Naalakkersuisunit marlunngormat saqqummiunneqarmat, Aningaasaqarnermut Naalakkersuisoq, Andreas Uldum oqarpoq, Nunatta aningaasarsiorniarnerani aalisarneq kisiat isumalluutiginagu periarfissanik allanik aamma siuarsaasoqartariaqartoq.
Aamma atuaruk AIS 2016 Aalisartut amerliartornerat kingunerlutsitsissaaq
- Aningaasanik isaatitsinissarput eqqarsaatigalugu aalisarnerup saniatigut allanik inerisaasariaqarpugut aamma nunanut allanut niuerneq eqqarsaatigalugu.
- Takornariaqarnermut tunngasuusinnaavoq, aatsitassarsiornermut tunngasinnaalluni imaluunniit allarluinnaasinnaavoq inuussutissarsiut inerisarneqartoq soorlu imermik nilammillu avammut niuersinnaaneq inerisarneqarsinnaalluni, Aningaasaqarnermut Naalakkersuisoq, Andreas Uldum oqarpoq.
Aningaasaqarnermut ajoreeqisumut suli ajornerulersitsisinnaavoq
Inuussutissarsiutillu allat inerisarneqanngippata aalisarnerlu ajutuuissappat tamanna Nunatta aningaasaqarneranut ajoreeqisumut suli ajornerulersitsisinnaasoq, Naalagaaffiup aningaaserivissuata pisortaa, Lars Rohde oqarpoq.
Aamma atuaruk Aningaasanut inatsit avissaartuutsitsivoq
- Aalisarnermi pisarineqartartut ikinnerulerpata imaluunniit nunarsuatsinni niuernermi aningaasat ikiliartulerpata imaluunniit pisissutigineqarsinnaasut ikinnerulerpata, soorlu tamanna siornatigut pisareersoq, imaluunniit taakku kingullit eqqaasakka ataatsikkut pippata, taava manni aningaasarliorneq suli annertunerujussuanngortussaavoq, Lars Rohde oqarpoq aningaasaqarnittalu siumut aallarnissaanut aaqqiissutaasinnaasutut pingaarutilik ima oqaatigalugu:
- Ilinniartitaaneq, ilinniartitaaneq aamma ilinniartitaaneq, Lars Rohde oqarpoq imalu itisiliilluni.
Aamma atuaruk Partii Naleraq: Naalakkersuisut tutsuiginarnerat innarlerpoq
- Ilinniareernermi naammassisut pilersissavaat, nunanit allanit tikisinneqarlutik sulisorineqartut taarserneqarsinnaanngorneri taamaalilluni aningaasarsiorneq nukittunerusoq pilersinneqassalluni, Naalagaaffiup aningaaserivissuata pisortaa, Lars Rohde taama oqarpoq.
Aamma atuaruk Anda sakkortuunik aalajangiisarniarpoq
Aamma atuaruk Aningaasanut inatsit: Sinneqartoorutit amigartoorutinngorput
