Inuussutissarsiutit

Aalisarneq iluanaarutaavoq

Kalaallit Nunaanni naatsorsueqqissaartarfiup kisitsisaataasa nutaat ersersippaat Nunatsinni aalisakkat naleqaleraluttuinnartut, maannalu en milliard sinnerlugu isertitsissutaasartut.

Allattoq Inge S. Rasmussen

marsip 30-at 2016 13:45

Nutserisoq Erna Lynge

Aalisakkat 2015-imi tuninineqarsimasut ukiumut siulianut naleqqiukkaanni ukiumut siuliani tunisat amerlaqatigiinnangajappaat - procentimik ataatsimik qaffarialaarsimallutik - aalisakkalli nalingi 12 procentimik qaffariarsimapput.

Ukiuni kingullerni raajat pisarineqartut ikinnerusimagaluartut isertitsissutaalluartarput. Raajat nalingi siorna ukiut marluk sioqqullugu naligitut naleqarsimapput, tunisat 10 tonsinik amerleriarsimallutik.

Aamma atuaruk Naalakkersuisut aalisakkanut akitsuutinik nutaanik eqqusserusuttut

Saarulliit tunineqartut malunnaatilimmik amerleriarsimapput, ukiumut siulianut naleqqiullugu siorna 60 procentimik amerleriarsimapput. Nalingalu 76 procentimik qaffariarsimalluni.

Qalerallit eqqarsaatigalugit tunisat syv procentimik appariarsimapput, nalingili tre procentimik qaffariarsimallutik.

Assangiarsuit 2015-imi tunisat 10 procentimik qaffariarsimapput, assagiarsuillu nalingat 16 procentimik qaffariarsimalluni.

Aamma atuaruk Nipisanniarneq poorskereerpat aatsaat aallartissaaq