Aalisakkat illinnarsaakkat pisiniarfinni tuniniarneqartalerlit

Inuuneq ulapaarfioqisoq pissutigalugu, inuit kalaalimineerniarfinnut pisiniarnissaminnut piffissaarussimanerarlugit, pisiniarfiit kalaaliminernik nutaanik nioqquteqartalernissaat nunatsinni arpallammattut ilisimaneqarluartup, Kim Godtfredsenip ujartorpaa.

- Taamaattumik pisiassaatigut kalaalimineerniarfinniittut pisiniarfinnut nuunneqarsinnaanerat eqqarsaatigisalersimavara, aalisakkat nutaarluinnaat pisiniarfinni nillataartitsivinni tigoriaannanngorlugit pisiassanngortinneqartariaqarput.

Peqqinnerulissagutta inuusaaserput  allanngortariaqarnersoq aperineqarami, Kim Godtfredsen ima akivoq:

- Inuusaaserput ullormiit ullormut allanngortissinnaanngilarput. Nerisassalli illinnarsaarneri sassaallerneriluunniit ullormiit ullormut allangortissinnaavarput, taakkuukua aallaavigisassagut.

Peqqinnartumik inoorusuttunut Kim Godtfredsen kalaaliminertornerunissamik, ajornannginnerusumillu kalaalimerngit qinigassaalernissaannik kissaateqarpoq:

- kalaaliminertornerulertariaqarput ajornanginnerusunngorlugit kalaalimerngit suliareriikkat.

Peqqinnartunik nerisaqarnerulernissatsinnut Royal Greenlandip NUKA A/S-ip pisiniarfiillu aamma akisussaaffigigaat, Kim Godtfredsenip ilanngullugu oqaatigaa.