Aalborgimi Kalaallit Illuutaat nuulersoq
Kalaallit Illuutaat Aalborgip kangisissuani Umanakvejimi ullumikkut inissisimavoq. Illoqarfimmiut ilisimarisimalluarpaat nunalli immikkoortuaneersunut Danmarkillu sinneraneersunut nassaariuminaassinnaallunilu Aalborgip qeqqani qimuttuitsoqarfimmit aamma ornikkuminaassinnaavoq.
Allattoq Helle Nørrelund Sørensen
marsip 20-at 2015 09:30
Nutserisoq Simon Uldum -
Avataaneersunut aammalu Kalaallit Illuutaata saqqumilaarnerunissaanut tamanna akornutaasoq oqaatigineqarpoq.
Aammattaaq Aalborgimi Kalaallit Illuutaata sulisorineqartut ukiuni kingullerni amerlisimapput kulturikkullu aaqqissuussinerit aamma amerleriarsimallutik, tamakkulu inini maanna atorneqartuni inissaaleqinermik kinguneqarput.
Illoqarfiup qeqqanut nuukkusuttut
Taarsiullugu illoqarfiup qeqqani ininik allanik nassaartoqarsinnaassasoq neriuutigineqarpoq, ornikkuminarnerussammat aammalu inissaqarnerussalluni.
Illu maanna atorneqartoq novembarip aallaqqaataani 2015-imi qimanneqassaaq. Ininik nutaanik suli nassaartoqarsimanngitsoq, Aalborgimi Kalaallit Illuutaat ilisimatitsivoq.
