Assi: Nukaaraq Knudsen/KNR

Aalborg Zoo Nunatsinnut tunngasumik immikkoortortaqalissasoq

Aalborgip uumasuusiviani Nunatsinnut tunngasumik immikkoortortaqalernissamut Aalborgip kommunea 10 millionit koruuninik aningaasaliivoq.

Aalborg Zoo millionippassuarnik akissaqalerluni Kalaallit Nunaata pinngortitaanik uumasuinillu isertartunut takussutissanik suliniuteqassasoq neriuutaavoq. nordjyske.dk.allappoq.

Uumasuusivimmut takornariat uumasuusiviup ilaani ’Ilisimasassarsiornermut Sikumiut’-nut takornariarsinnaassapput, tassanilu Kalaallit Nunaanni uumasorpassuit uumaffigisaat takornarsinnaavaat.

Pilersaarut piusunngussappat, Nunami uumasut miluumasut arfineq pingasut takusinnaanissaanut ilaatigut periarfissaassaaq. Aammali qilanngat puisillu Aalborg Zoop Kalaallit Nunaannut immikkoortortartaavani inissaqartinneqassapput.

Kommunep suliniut nutaaq 10 millionit koruuninit aningaasaliiffigilermagu Aalborgip Kommuniani borgmesterip, Thomas Kastrup-Larsenip nuannaarutigaa:

- Uumasuusiviup ineriartortinnissaanut Aalborg Zoo ilisimasaqarneruvoq, oqarpugulli suliffeqarfik innuttaasunut takornarianullu pingaaruteqarmat uumasuusivik taperserniarparput, Thomas Kastrup-Larsen nordjyske.dk-imut oqarpoq.

 

Isummersuutit

Inatsisartut Upernaakkut Ataatsimiinnerat



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat

...allarpassuillu!