Aaja inuttaasunik ataatsimiisitsimmat inuit arfinillit takkupput
Aaja inuttaasunik ataatsimiisitsimmat inuit arfinillit takkupput
Folketingimut ilaasortaq Aaja Chemnitz Larsen avaannaani angalavoq, sumiiffiit ilaanni soqutiginninneq annertunngilaq.
Ungasinngitsumi Aasianni ataatsimiisitsivoq, inuit arfiniliinnat oqaloqatiginiarlugu takkupput.
Aaja Chemnitzip nassuerutigaa, folketingimi sulineq Kalaallit Nunaanut ungasimmat.
- Ilaatigut paasisarparput, suliat Kalaallit Nunaanut tunngasut allaat inatsisartunut tusarniaassutigineqarnerluunniit ajortut, Aaja taama oqarpoq.
Takuuk Qanoruumi ilanngutassiaq Aasianni inuttaasunik ataatsimiisitsinermeersoq.
Aaja Chemnitzip Avannaani Uumannaq, Saattut, Ilulissat aammalu Aasiaat tikeraarpai. Angalaninilu Folketingimi Københavnimiittumi suleqqinnissaminut pissarsiffigiarsimanerarpaa.
- Angalanermi makkua sammineqarsimapput ilagaat, politeeqarneq taakkualu sumiiffinni suliaat. Aammalu illersornissamut tunngasut, kalaallillu Danmarkimi najugallit sammineqarsimallutik sumiiffinni tikitani assigiinngitsuni. Suliassanik assiginngitsumik oqqussissaanga, ingerlatseqqitassanik pilitikikkut suliannut ilanngullugit, taama Aaja oqarpoq
