Aaja Chemnitz Larsen (IA)
37-nik ukioqarpoq, Nuummi inunngorpoq sisamanillu qitornaqarluni. Inatsisartunut ilaasortaq. Ingerlatsinermi kandidatitut (cand. Scient. Adm.) ilinniagaqarpoq. Kommuneqarfik Sermersuumi tungiuinermut pisortatut siornatigut atorfeqarpoq Nunatsinnilu siullersaalluni Meeqqanut Illersuisuulluni. 278-init taaguunneqarluni 2014-imi Inatsisartunut qinigaavoq.
Allattoq Aaqqissuisoqarfik
Politikkikkut anguniagai:
- Nunat tamalaat akornanni Nunatta nipaa nukittooq erseqqissorlu qulakkiissavarput.
- Inatsisit Nunatsinnut atuuttut Nunatsinnut tulluarsagaassapput – Nunarput tusaaneqartassaaq!
- Kalaallit Danmarkimiittut pillugit isummat pigiliutiinnakkat atorunnaassapput Danmarkimilu Nunarput pillugu ilisimasat annertusassallutigit.
IA-p qineqqusaarutai uani atuarneqarsinnaapput.
Aaja Chemnitz Larsenip Facebookikkut nittartagaa takuuk.