VIDEO 73-nik ukiulik tupermi qiulerluni najugaqartoq

- Anorlertinnagu ajunngikkaluarpoq, kisianni anorlersumi nipiliortarnermut iluamik siniffiunnginnami.

- Ajoraluarpoq sumiiffeqarnani. Marsimili unnuakkut saqisaartuaannalerpunga kissassimaarniarsaralunga, Louis Hansen KNR-imut taama oqarpoq.

Inissaaleqinini nammineq pisuussutigigaa
Danmarkimut qaammat ataasiinnaq nuukkaluarnermi kingorna nunatsinnut uterami ukiup affaa sinnerlugu angerlarsimaffeqarsimanngilaq.

- Peqqissimagaluarpunga, kisiannilu nammineq piumasarigakku, nammineq pisuuvunga imminut anisikkama, Louis Hansen oqarpoq.

A/S INI Iserlillu aqqutigalugit initaarnissamut allatsissimasut amerlasuupilussuupput, kommunillu pensionisiaqartoq qiulertitaasoq ikiorsinnaanngilaa.

- Soqutigineqanngitsutut misigisimanarpoq taama ukiortoqqutigigaluarluni, tasasma oqarpoq, politikerillu kaammattorusumavai namminertulli inissisimasut ineqarniarnikkut inissisimanerat iliuuseqarfigeqqullugu.

- Isumaqarpunga aaqqissugaanerusumik iliuuseqartariaqartoq kommunalbestyrelsi, taama angerlarsimaffeqantsigut amerlatigisut, 73-nik ukioqartoq taama oqarpoq.

Ilaqutaasut inissaqartitsinngillat
Louis Hansenip soraluaa Nuummilu ilaqutatuaa, Pauline Christensen, angaminut ajornaluartumik inissaqartitsinngilaq, tamannalu assut attortisimassutigivaa.

- Tupeqarfia takugakku assut attortissutigaara. Takorluukkannit annernarneruvoq, taama oqarpoq.