7 millionit koruunit sinnerlugit maanna katersorneqarsimalerput

Nuna tamakkerlugu aningaasanik katersuineq nunanillu allaniit aningaasanik tapersiinerit qimerluulaaraanni ikinnerpaamik 7 millionit koruunit katersorneqarsimalerput.
Inuusuttut Tasilameersut 3.000 koruunit sinnerlugit nammineq kajumissutsiminnik suleqatallutik katersorpaat. Assi © : Laura Táunâjik
Allattoq Marie Kûitse Kristensen, Thomas Munk Veirum
juunip 23-at 2017 14:40

Taakkunani bankit marluusunit, Kalaallit, Savalimmiut Qallunaallu Nunaanni Rødekorsimit katersorneqartut, kiisalu Naalagaaffiit Island Savalimmiullu aamma aningaasaliisut naatsorsuinermi ilaatinneqarput. Aningaasaliisorpassuit ataasiakkaat bankinut innersuunneqartarmata taakku immikkut naatsorsuinermi ilaatinngilagut.

Katersuiniartuni Røde Korsimut tunniussisut ilagaat Tasiilami inuusuttut. Tasiilami namminneq kajumissutsiminnik inuusuttut ikiuullutik atisanik akitsorterinermikkut aningaasanik Grønlandsbankenimut tunniussipput.

Suleqataasullu igaat Laura Táunâjik.

- Inuit tuniserusuttut kaammattorpagut, tunniunneqartullu akitsorterullugit tuniniarpagut, taamaalilluta aningaasartai ingerlateqqisinnaanngorlugit, Laura Táunâjik taama oqarpoq.

Inuusuttullu akitsorterinerminni 3.348,50 koruunit katersukkatik maanna tunniutereerpaat.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq