69-inik ukiulimmik ujaasineq taamaatiinnarneqarpoq

Nuummi politiit angummik 69-nik ukiulimmik ujaasinerat kinguneqanngilaq. Angut taanna umiatsiaaqqaminik 14 fodsenik takussusilimmik aallartoq marlunngornermi kingullermik takuneqarpoq.

Politiillu unnuk maanna nalunaarutigaat ujaasineq taamaatiinnarneqartoq.

- Jens Emanuelsenimik ujaasineq taamaatiinnarneqartoq Nuummi politiit matumuuna nalunaarutigaat. Ujaasiffigineqaraluartut ujaasiffigineri kinguneqanngimmata, Nuummi politiini politikommissæri Carl Sværd, tusagassiuutinut nalunaarummi taama oqarpoq.

AAMMA ATUARUK Angut 69-inik ukiulik suli ujaarineqartoq

Politiit angallamminnik Sisammik, alapernaarsuummik Tritonimik qulimiguulimmillu SAR-imik ujaasinertik pingasunngormat aallartippaat.

Ilaqutaasut ujaasinerup taamaatiinnarneqarnera pillugu ilisimatinneqareerput.