55-nik ukiulik ujaarineqartoq toqungasoq nassaarineqarpoq
<p>55-nik ukiulik Aqqaluk Løvstrøm Ilulissani marlunngormalli ujaarineqartoq toqungasoq nassaarineqarpoq.</p>
maajip 22-at 2016 12:15
Ilulissani politiit tusagassiuutinut nalunaaruteqarlutik taama allapput.
55-nik ukiulik Halibutip aalisakkeriviata eqqaani ippassaq arfininngornermi unnukkut arfineq pingasut qaangilaara nassaarineqarpoq toqungasoq.
Politiit tusagassiuutinut nalunaarutaat naapertorlugu Aqqaluk Løvstrøm nakkarnermi kingorna toqusimavoq,
peqquserluttuliortoqarsimaneranillu takussutissaqanngitsoq Ilulissani politiit nalunaarput.
Qanigisaasut kalerinneqarsimasut politiit ilanngullugu nalunaarutigaat.
Aqqaluk Løvstrømimik ujaasineq annertooq unitsinneqarpoq, Ilulissanilu innutaasut ujaasinermi ikiuussimasut Ilulissani politiinit qujassuteqarfigineqarput.
