45-nik ukilik toqutsisimanini pillugu ukiuni arfinilinni pineqaatissinneqartoq
Politimestereqarfimmi unnerluutiginnittunit Henrik Prien-Larsen tusagassiuutinut taama nalunaaruteqarpoq.
Angut taanna angummik 50-inik ukiulimmik savimmik kapillugu Kulusummi toqutsisimasutut eqqartuunneqarpoq. Toqutsineq siorna juunimi pivoq.
45-nik ukiulik toqutsinermut pisuunermi saniatigut aamma allanik pinerluuteqarsimasutut eqqartuunneqarpoq, ilaatigut nakuusersimasutut tillinniarsimasutullu eqqartuunneqarluni.
Unnerluutiginnittunit ukiuni arfineq marlunni pineqaatissinneqarsimasunut inissiisarfimmiititsisoqarnissaa piumasrineqaraluarpoq, ukiunili arfinilinni inissiisarfimiinnissaa pineqaatissiissutigineqarluni. Toqutsinerup saniatigut angunnut pineqaatissiissutigineqartut siusinnerusukkulli pisimasuupput.
Unnerluutiginnittut pineqaatissinneqartullu eqqartuussineq akueraat.
