2016-imi aaffattassat piareertut

Ukioq manna aaffattassiissutit amerlassusilerneqarnissaat marsip aallaqqaataani pisimanngimmat, aaffattassanik aalajangersaasoqarnissaa KNAPK-p piniarnermut naalakkersuisumut Karl-Kristian Krusemut sapaatit-akunnerata siuliani tuavisaarutigaa.

Allattoq Karsten Sommer

marsip 09-at 2016 10:45

Nutserisoq Simon Uldum -

Piniarnermut naalakkersuisup Karl-Kristian Krusep ukioq mannamut aaffattassat agguataarnissaat uumassusilerisut aarrit pillugit siunnersuinerat tunngavigalugu ippassaq marsip ulluisa arfineq-pingajuanni akuerai.

Aaffattassat siornatulli amerlassusilerneqarput. Avannaani 86-it, Kitaani 69-it Tunumilu 18-it, katillugit 176-it pisassiissutigineqarlutik.

Aamma atuaruk KNAPK aaffattassiisoqarnissaanik ujartuisoq

Pisassiissutit 2016-imi aqutsiveqarfinnut agguataarnerat

Pisassiissutit kommuninut agguaanneqassapput, taakkulu aalajangissavaat qanoq iluaqutigineqassanersut. Assersuutigalugu Qaasuitsup Kommuniata nammineq aalajangersinnaavaa kommunimut pisassiissutip tamakkiisup iluaniit qanoq annertutigisut sumiiffinni ataasiakkaani nammineq pilersorsinnaanermut atugassatut iluaqutigitinniarneqarnersut imaluunniit aarrit ataasiakkaanut illikartunut immikkoortitsissanerluni.

2014-2016-imut aaffattassat nunap immikkoortuinut agguaanneqarneri.

Avannaata imartaa (Nordvandet)	Pisassiissut 2014	Pisassiissut 2015	Pisassiissut 2016¹⁾
Qaanaaq	86 [-3] ²⁾	86	86
Kitaani
Upernavik	39	39	39
Uummannaq
Qeqertarsuaq
Ilulissat
Qasigiannguit
Aasiaat
Kangaatsiaq
Sisimiut	30	30	30
Maniitsoq
Kitaani katillugit	69	69	69

Kangiani	Pisassiissut 2014	Pisassiissut 2015	Pisassiissut 2016
Ittoqqortoormiit	18	18	18
Ammassalik
Kangiani katillugit	18	18	18