Assi: Rigspolitiet

Danmark 17-nik ukiulik qaartartumeeriniarsimasutut unnerluutigineqartoq

Niviarsiaraq 17-inik ukiulik Fårevejlemi Syskolemut juutillu atuarfiannut Carolineskolemut qaarartumeerinissamut pilersaarusiortutut unnerluutigineqartoq Hornbækkimi eqqartuussivimmit ullumi pisuutinneqarpoq.

- Eqqartuussisut nævninngillu tamarmik suliap taama inerneqarnissaanut isumaqataapput, eqqartuussisut siuttuat eqqartuussivimmi akunnialunnguit matuma siorna taama oqarpoq.

Niviarsiaqqap illoqarfimmi sjællandip kippasissuaniittumi Kundbymi iniminit Islamisk Statimut peqqarniisaarniallu taakku siuttuannut 2015-imi 15-inik ukioqarluni attaveqarniarsarisimavoq.

Peqqarniisaarnianut arlalinnut attaveqarsimavoq, piffissamilu sivikitsumi ingasaassiniartunngorsimalluni.

Fårevejlemi Sydskolemut qaartartumeerinissaminut kingorna pilersaarusiulerpoq.

Saassussiniarnerali piviusunngunngilaq, soorlu aamma qaartartuliorniarnera piviusunngunngitsoq.

Tamatumalu kingorna juutit atuarfiannut Københavnimiittumut Carolineskolemut saassussinissani pilersaarutigilerpaa.

Niviarsiaraq siorna januaarip ulluisa 13-ianni tigusaavoq.

Niviarsiaqqap paarnaarussivimmi pillagaanani sivisussusiligaanngitsumik paarineqarnissaa kissaatigalugu unnerluussisussaatitaasut oqaatigereerpaat.

 

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat

...allarpassuillu!