17-inik ukiulik savimmit kapitereerluni navianartorsiortoq
Nukappiaq 17-inik ukiulik Ilulissani arfininngormat savimmik kapitippoq. Taanna navianartorsiortoq, Kalaallit Nunaanni Politiit paasissutissiipput.
Allattoq Kenneth Elkjær
Savimmik kapisineq Ilulissani najukkami arfininngormat nalunaaqutaq aqqarnup missaani pivoq. Politiit pisoqarfimmut takkukkamik angut 21-nik ukiulik tigusarineqarpoq toqutseriartutullu pasineqarluni.
Politiit naapertorlugit 17-inik ukiulik niaqqumigut kapineqarpoq inuuneralu navianartorsiormat Nuummut Dronning Ingridip Napparsimmavissuanut ulloq taanna aallarunneqarpoq.
21-nik ukiulik inatsit tunngaviusoq naapertorlugu sapaammi killisiorneqarpoq ullunilu 25-ni tigummigallagassanngortinneqarluni.
Politiit savimmik kapisisoqarnera pillugu suli misissuipput.
17-inik ukiulik suli navianartorsiorpoq.