USA-mi imerniartarfimmi aallaasersortoqarmat inuk ataaseq toqutaavoq
Inuit 15-it aallaasersortoqarnerani eqqorneqarsimasut oqartussanit siusinnerusukkut oqaatigineqaraluarpoq.
Cincinnatimi imerniartarfimmi Cameomi unnuakkut nalunaaqutaq ataasinngulersoq aallaasersortoqarpoq.
Ikilerneqartut napparsimmavinnut assigiinngitsunut sisamanut ingerlanneqartut tv-qarfiup WLWT-p nalunaarutigaa. Ikilerneqarsimasulli qanoq-issusiat nalunaarutigineqanngilaq, arlallilli suliarineqaleruttortut oqaatigineqarpoq.
Ikilerneqarsimasut ilaat nammineq napparsimmavimmukarsinnaasimapput.
Eqqorneqarsimasut ilaat peruluttut politiit ittuata tulliata Paul Neudigatep nalunaarutigaa:
- Imerniartarfimmi pisimasut quarsaarnaqaat. Inuppassuit eqqorneqarsimapput, misissuinerpullu aatsaat aallartippoq, politiit ittuata tulliat tv-qarfimmut oqarpoq.
Imerniartarfiup nalaa assersorneqarpoq, tigusarinnittoqarsimaneranillu nalunaaruteqartoqanngilaq, soorlu aamma suli pasisaqartoqanngitsoq. Saassussisup saniatigut allat peqataasimasinnaanissaat politiit mattutinngikkaat, tv-qarfiup nalunaarutigaa.
/ritzau/