1 millionit missaat AIDS-imik 2016-imi toqquteqarput.

AIDS-imit nappaateqarlutik toqusut 2005-imut naleqqiullugu taamaasillutik affaannanngungajassimapput. AIDS-imimmi nappaateqarlutik taamanikkut toqusut 1,9 millionit missaanniipput. Naalagaaffiit Peqatigiit nalunaarusiami taama ilaatigut allaaserisaqartut, franskit nutaarsiassaqartitsiviata AFP-p aamma allaaseraa.
Allattoq Karsten Sommer
juulip 21-at 2017 14:21

Nappaammit taassuminnga toqquteqartut malunnaatilimmik ikiliartuinnanngillat, amerlanerimmi aamma katsorsaasersorneqartut kisitsisit takutippaat:

- Inuit HIV-mik tunillanneqarsimasutut ilisimaneqartut 36,7 millionit akornanni 19,5 millionit siorna 2016-imi nakorsaasersorneqarput, Naalagaaffiit Peqatigiit nalunaarusiaanni taama allassimavoq.

HIV-mik tunillanneqarsimasut affaasa missaat aatsaat siullerpaamik nakorsaasorneqarsimalerput. Nakorsaasersorneqartut katsorsarneqarsinnaanngillat HIV-milli viruseqaraluarlutik nakorsaasersorneqarnermikkut inuunerat sivitsorneqartarluni.

HIV-mik tunillatsittoqarsimanera 1980-ikkunni siullerpaamik nalunaarsorneqarmalli inuit 76,1 millionit missaasa tunillatsissimanissaat kisitsisit Naalagaafiit Peqatigiinneersut takutippaat.

Inuit 35 millionit nappaammit maannamut toqquteqarsimapput.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq