Asseq toqqorsivimmit

Nakorsaatit ilumuunngitsut meerarpassuit toqqutigisaraat

Nakorsaatit ilumuunngitsut nunanut piitsoqarfinnut siaruaatingaatsiaqqasut, nunarsuaq tamakkerlugu peqqinnissamut pillugu suliniaqatigiiffiup nalunaarusiaata takutippaa.

Nunani siuarsarniakkani nakorsaatit tunineqartartut 11 procentii ilaarsinikkut nakorsaasiaanngikkaangamik ilumuunngitsuusarput. Nunarsuaq tamakkerlugu peqqinnissaq pillugu suliniaqatigiiffiup, WHO-p nalunaarusiarujussuata tamanna takutikkaa, nutaarsiassaqartitsivik AP allappoq.

Naalagaaffiit Peqatigiit suliniatigiiffiata misissuinerit hunnorujut sinneqartut nakorsaatillu 48.000-it misissugaat nappaatinut malariamut aseruuttoornernullu immikkut nakorsaataapput.

- Takorlooruk anaanaasup meeqqami katsorsarnissaanut nerisassat allallu pisariaqartut tunulliullugit akiliuteqartoq.

- Nakorsaallu ajornersoq, ilumuunnginnersoq, meeqqamiluunniit taanna toqqutigineraa nalullugu. Tamanna akuersaarneqarsinnaanngilaq, WHO-mi siuttoq, Tedros Adhanom Ghebreyesus misissuineq pillugu oqarpoq.

WHO-p aningaasat 30 milliardit dollarit - tassa 190 milliardit koruunit nakorsaatinut ilumuunngitsunut inerteqqutinulluunniit ukiut tamaasa atorneqartarnissaat naatsorsorpaa.

Nakorsaatit ilumuunngitsut inerteqqutilluunniit aaqqissuussamik pinerluttuliornermi ukiuni kingullerni atorneqartarneri takussutissaqarpoq.

Eqqunngitsumik nakorsaatinik akuerisanik ilaarsilluni iluanngitsunik nakorsaasiorneq aningaasanik pissarsiaqartitserujussuartarpoq.

/ritzau/

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat

...allarpassuillu!