Kalaallit Danmarkimi ilinniagaqartut aaqqissuusseqqinnermit eqqugaaratarsinnaasut
Naalakkersuisut tamanna nassuerutigaat, taamaattumillu Inuit Ataqatigiit siunnersuutaat malillugu aaqqissuusseqqinneq kalaallinut ilinniartunut qanoq sunniuteqarnersoq pillugu danskit naalagaaffiannit misilittakkanik pissarsiniassapput.
Aaqqissuusseqqinnerup siunertaraa danskit ilinniaqqiffiini tamani ilinniarnerup piaarnerusumik naammassineqartalernissaa.
- Ilinniartitaanermut naalakkersuisoq Nivi Olsen demokratineersoq Inuit Ataqatigiinnut akissummini allappoq ilinniartut oqaatsitigut kulturikkullu ajunnginnerpaamik pineqarnissaat pillugu assigiinngitsunik suliniuteqareerlutik.
AAMMA ATUARUK AVALAK: Aaqqissuusseqqittoqarnera kalaallinut ilinniagaqartunut kingunerlutsitsisinnaavoq
Naalakkersuisoqarfik Danmarkimi højskolit peqatigalugit inunnut Danmarkimi ilinniarusuttunut sukumiisunik sivikitsumik ilinniartitseqqinnissaat periarfissiuunneqarput.
Ilinniartut aamma ilinniarnertik ukiumik ataatsimik sivitsorusukkunikku qinnuteqaatigisinnaavaat.
- Illuatungaatigulli kalaallit ilinniartut ilinniagarsiuteqarnissaasa sivitsorneqarnissaa iluaqutaanavianngilaq.
- Ilinniartummi ilinniakkaminni ukiumik ataatsimik kinguaattoortut sivitsuinissamik qinnuteqarsimanngikkunik ingerlaannartumik ilinniarfimmiit anisinneqartartut, ilinniartitaanermut naalakkersuisoq Nivi Olsen akissummini allappoq.