’Balladen om Grønland’ atuagaq tuluttuunngortinneqarpoq
Martin Breumip atuakkiaa ’Balladen om Grønland’ tuluttunngortinneqarpoq, Illersornissamullu tunngasunut akademip (Forsvarsakademi) nittartagaanni akeqanngitsumik maanna aaneqarsinnaalerluni.
Martin Breum
Allattoq Camilla Dam, Nauja Møller
maajip 20-at 2015 15:07
Oqaatsit ukua atorlugit ‘The Greenland Dilemma’ maanna nunanit allamiunut Kalaallit Nunaata Danmarkillu akornanni pissutsit pillugit aatsaat siullerpaamik oqaluttuarsinnaalerpugut.
- Kalaallit Nunaat qanoq-una ittoq, kikkut naalakkersorpaat, qallunaat kalaallilluunniit, imaluunniit suleqatigiinneranuna qanoq aaqqissuussaasoq. Nunami allamiuugaanni tamanna paasissallugu assut ajornakusoorsinnaasoq, tusagassiortoq atuakkiortorlu Martin Breum oqaluttuarpoq.
Qallunaatut atuakkiaq Balladen om Grønland siorna saqqummersinneqarpoq, maannalu uani assigiinngitsunik formatilik fak.dk-mi allanngortitilaagaq aaneqarsinnaalerpoq.
