Assi: Google Maps

Århusimi klostertovi eqqissisimanarnerulersoq

Inuit assigiinngitsut inuuniarnikkut ajornartorsiuteqartut ilaatigut kalaallit ornittagartaarmata Aarhusimiittumi Klostertorvi eqqissisimanarnerulersimavoq. DR taama allappoq.

Aarhusip qeqqaniittoq Klostertorv ilaatigut angerlarsimaffeqanngitsunit inuuniarnikkullu ajornartorsiuteqartunit arlaleriarluni eqqissiviilliorfiullunilu perulluliorfiusarpoq.

Eqqissiviilliortarnerit qassiiliortitsisangaarmata tamaani inuussutissarsiortut Aarhus Cityforening aqqutigalugu upernaaq aalajangertariaqarsimallutik tamaani privatimik nakkutilliisulertariaqarlutik.

Aarhusilli Kommunia tamatuma kingorna ukiukkut tamakkununnga unnuisarfililiorpoq,  illoqarfimmilu piffinni allani inuuniarnikkut ajornartorsiuteqartunut ornittagaliorluni issiaartarfilinnik nerrivittalinnik anartarfilinnillu.

AAMMA ATUARUK Kalaallit inuuniarnermikkut ajornartorsiuteqartut naapittarfittaartut

Klostertorvimi Canblauimik neriniartarfiliutik Claus Broberg DR-imut oqarpoq taama iliorneq assut iluaqutaasimasoq.

- Maannakkut atussaavoq. Ikinnerujussuit takanani issiaartalernikkuupput, nuannaterujussuassaarput. Tamatumalu kinguneraa nakuusertarnerit ikilerujussuarnerat.

Kirkens Korshærimi aqutsisup Niels Bjørnøp Klostertorvip ungasinngisaani ornittakkameersup eqqissimaneqarnerulersoq malugaa.

- Takusinnaasakka malillugit suliniuteqartoqarnerata kinguneraa siornatigornit eqqissisimaneqarnerusoq, taanna oqarpoq.

AAMMA ATUARUK Aarhusimi ini kialaarfik kalaallinuinnaq atugassiaq ammarneqartoq

 

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat

...allarpassuillu!