GE kamaqaaq: 22-p aamma 05-ip akornanni imerniartarfimmiittut meeqqat mikisuunngillat
- Maassakkorpiaq inuusuttut akornanni tuniluunneq ukkataavoq. Ilumooraluartoq taakku akuttunngitsumik unnuakkut ornittakkanukakulasartut, massakkut tuniluunneq annerpaaq meeqqat tallimaniit qulingiluat akornanni ukiulinniippoq. Tamakkulu imerniartarfinni 22-p aamma 05-ip akornanni takussaarpianngillat.
Christian Keldsen, Grønlands Erhvervimi pisortaasoq, taama oqarpoq.
Kalaalit Nunaanni coronamik rekordi
Ullup iunnuallu kingulliup ingerlanerani tunillatsissimasut nutaat 630 nassaarineqarput.
Rekordileeqqittoqarpoq.
Tunillatsissimasut tamakkiisut nalunaarsorneqartarunnaarput.
Tamatumunnga tunngaviuvoq misissuissarnermut periusissiaq allanngortinneqarmat. Tunillatsittut nutaat amerlangaarmata misisuisarfiit napparsimmaviillu malinnaasinnaajunnaarput, taamaattumillu PCR-imik misissuineq tamanoortuujunnaarpoq.
Massakkut PCR taamaallaat utoqqarnut inunnullu uummatikku puakkullu ersiutilimmik nappaateqartunut atorneqalerpoq. Aamma inunnut namminerminni sukkasuumik misissorsimasunut ersiutilinnut atorneqarpoq.
Annertunerusumillu inuit nammineq akisussaaffigissavaat ajorunnaarnertik nalunaarutigissallugu, angerlarsimaffimminni imminut misissorlutik angerlatrsimaffimminni mattullutik nakorsaq napparsimmavilluunniit attavinagit, corona nuannertut nuallunnertulluunniit ersiuppat.
Tassami Naalakkersuisut suli aammaarlutik unnuakkut ornittakkat sukateqqimmatigit corona pissutigalugu qiimmattaatiginngilaa: Neriniartarfiit, barit imerniartarfiillu qatserisartut akuersissutaanni isersimasinnaasut amerlassusaasa affaannaat isertissinnaavaat. Marlunngormallu suli sukatereqqipput: Sapaatip akunnerini marlunni tullinnguuttuni barit, neriniartarfiit imerniartarfiillu unnuakkut nalunaaquttap 22-p aamma 05-ip akornanni matoqqasassapput.
35 procentit tunilatsissimapput
Christian Keldsenillu tamannarpiaq isumassaqartinngilaa. Tassami tunillaassuisut tassanngimmata inuusuttut– tassaappummi meeqqat mikisut.
Ataasinngormat tusagassiortunik katersuutititsineq innersuussutigaa. Tassani nunatta nakorsaanera Henrik L. Hansen oqarpoq masakkorpiaq meeqqat tallimaniit qulingiluanut ukiullit tassaasut tunillaassuinerpat.
AAMMA ATUARUK Misissuisarfiit napparsimmaviillu ilungersungaatsiarmata kikkunnut tamanut PCR-imik misissuisoqartarunnaartoq
- Nuummi tunillaasuisut tassaanerupput meeqqat. Pingaartumik tallimaniit qulingiluanut ukiullit. Eqimattani taakkunani pingajorarterutaannit amerlanerit tunillatsissimapput – amerlanerpaartaat saspaatip akunnerani kingullermi. Nakorsaaneq oqarpoq 35 procentit missaanni amerlanerit tunillatsissimasut.
- Nuummi misissortittut tallimararterutaat ersiuteqarput. Ilulissani misissortittut sismararterutaat ersiuteqarput. Imaassinnaavoq (massakkut coronamik tuniluunnerup, aaqq.) qaangiukkiartorneranut takussutissaasut. Kisianni annertoqisumik tuniluunnermi aqqusaagaqaqqaarallassaagut. Tassa omikronip nassataa. Iluaqutigaali tunillatsittuni ikinnerusut perulertarmata, nangippoq.
Eqqugaasaqattaartuarpugut
Tassanilu Grønlands Erhverv qisuariarpoq.
- Ilimanaatilerujussuuvoq allanngorneq nutaaq sakkukinnerusumik napparsimatitsisartoq, unitsinneqartullu siornatigut allanngornernit ikinnerussasut ilimanarluni. Taamaakkaluartoq tuniluunneq annikillisarniarlugu suliniutit sakortuut aallartinneqarput. Suliniutit equngasumik pisariaqartumiillu sakkortunerusumik sunniuteqartut, pisortaq oqarpoq.
- Killilersuinerit inuussutissarsiortunut sulisuinullu sunniuteqarput, aasiit eqqorneqaqqittunut annaasaminnut naleqqussinnaasunik pisortanit tapiiffigineqarnatik. Susoqanngippat suliffiit ataannarsinnaanngillat.
- Taamaattumik sakkortunerpaamik kaammattuivugut siunissami naleqquttumik qularnaarinissamut annertunerusumillu killilersuinerit sunniutissaasa inuiaqatigiinnut kinguneri ukkatarineqassasut, taakkununnga ilaallutik inuit massakkut suliffimminnit angerlartinneqartariaqartut.
