Kosovop præsidentia sorsunnermi pinerluttutut unnerluutigineqartoq
Kosovomi præsidenti, Hashim Thaci, allallu sorsunnermi nunarsuarmiunullu pinerluuteqartutut unnerluutigigini, Kosovomi sorsunnermi pinerlunnernut tunngatillugu Haagimi immikkut ittumik unnerluussisussaatitaasoq ilisimatitsivoq.
Ilaatigut inunnik 100-t missaannik toqutsisimasutut unnerluutigineqarput.
- Hashim Thaci, Kadri Veseli allallu unnerluutigineqartut inuit 100-t toqutaanerannut pinerluuteqarnermut inatsit naapertorlugu akisussaasuusut unnerluussummi tunngavilersuutigineqartoq, Hollandimi Haagimi immikkut ittumik unnerluussisussaatitaasoq nalunaarpoq.
Ilaatigut albanimiut, serbiamiut, romamiut allallu toqutaasut ilagaat. Politikkikkullu akerliusut toqutaasunut aamma ilaapput. Sumi qangalu toqutaasimanersut ilisimatitsissutigineqanngilaq.
SPO Haagimi immikkut ittumik unnerluussisussaatitaasunut naalisaataavoq.
Apriilimi unnerluutiginneqarput. Taakkununngali unnerluussutit aatsaat pingasunngormat tamanut saqqummiunneqarlutik.
