DASH-7 oqaluttuaannanngorpoq

DASH-7-it nunatta silaannartaani anorlerajuttumi issittaqisumilu angallatigalugit qajannaatsuusut, Air Greenlandimit  ukioq manna siusinnerusukkut oqaatigineqarpoq.

Taamaanneralumi DASH-7-mik nunatsinni ukiuni 25-ini kingullerni timmisartuussisartup Ingmar Olsenip isumaqatigaa.

Taassuma Nuumminngaanniit Kangerlussuarmut  2008-mi martsimi timmisartuussinermini anorersuarsiornertik puigukkiussimavaa.

- Taamanikkut timmisartoq tiimi arlallit kinguaattoorpoq. Taava anorikilleriarmat tingivugut. Kisianni qangattarluinnaqqeqqissaarnitsinni anoraasuarujussuarami, sammivialu allanngorluni. Taamaammat naatsorsoruminaatsorujussuuvoq taamaalisoqarnissaa.

Aamma atuaruk Air Greenland DASH-7-eeruppoq

- Anoraasuarujussuarneranik kiisami ajutuungajalluinnaqqissaarpugut. Motoorit pingasut atuutaarummata tassa ataasiinnanngorluni tingitaangatta nakkaraluttuarlutalu.

Ilaasut annilaarput

- Saqisorput eqqissisarpara. Kingorna suliunnaarpoq taanna saqisorput, annilaarsimagunarnermik. Aamma ilaasugut taamaakkamik. Kisianni tikillugit oqaluuteriarakkit ajunngilllat.

Ilaasut 30 - 40 missaanniittut Ingmar Olsenip eqqaamaniarpaa. Taakkuali ajoratik apissiffissaminnut apuussimasut  oqaatigaa.

Air Greenlandip timmisartuutini DASH 7-it, tunineqassasut ukiup aallartinnerani Canadamiut timmisartuutileqatigiiffiannut Trans Capital Airimut tunivai.