Pisortanit tapersersorneqarnani automekanikerinngorniarpoq

16-nik ukiulik ADHD-mik innarluuteqartoq Ilulissani Piareersarfimmi ukioq ilivitsoq atuarnialerpoq, soraarummeereerunilu automekanikeritut ilinnialerusuppoq. Tamannali pisortanit tapersersorneqarnani ingerlattussaavaa.
Allattoq Louise M. Kleemann
juunip 03-at 2008 11:22

Ulrik Davidsen massakkut Danmarkimi soraarummeerfiunngitsumik efterskolerpoq. Massakkullu Ilulissani Piareersarfimmi ukioq ilivitsoq atuarnialerpoq.

Sooq Piareersarfinniarnersoq arnaata ima nassuiarpaa:

- Heldagsskole soraarummeerfiunnginnami heldagsskolemiit anigaanni allagartaqarani aniffiugami taamaammat Piareersarfissaaq Piareersarfereeruni karakterini aallaavigalugit automekanikerimut qinnuteqartussaassaaq.

Ulrik Davidsenip ADHD-mik innarluutillip atuarnermini motorit suulluunniit isaterlugillu ajoquteqanngilluinnartumik ikkussoqqittarpai, massakkullu Danmarkimi knallertit assigisaallu isaterlugillu katiteqqissinnaalersimallugit.

Meeqqat atuarfianni atuartut ADHDtut ikorfartorneqartarput, massakkullu tassa inummik immikkut ikorfartorteqarani Piareersarfilluni aallartissaaq angusissagunilu nammineerluni aamma automekanikerimut ilinniartariaqassalluni.

Annertoorujorujummik tapersersorparput uagut angajoqqaatut nammineq kissaatigisani taamatut ingerlammagu aamma nammineq inuttaata førtidspensioniinnarnissani akuerisinnaanngimmagu annertuumik tapersersorparput aamma nalunnginnatsigu sapinngitsoq.

Taama oqaloqatigineqarpoq Ulrik Davidsenip arnaa Lena Ravn Davidsen.

Nutaarsiassami kukkunermik nassaarsimaguit uunga allaffigineqarsinnaavugut.

Aamma atuaruk