Youtubemi isiginnaagassianik ikkussisartutut tusaamaneqartoq, Paul Barbato, ulluni makkunani Nunatsinni misigisassarsiorluni angalaarpoq.
Paul Barbatop assiliisartuni Jason peqatigalugu marlunngormat Nuup Kangerluaniimmata KNR-ip aliikkusersuisartuisa ilaat Angajo Lennert-Sandgreen angalaaqataavoq. Angalaarnermi videoliaq allaaserisap qulaaniittoq takuneqarsinnaavoq.
Paul Barbato Youtube kanalimini Geography Nowimi 488.000-nik malinnitseqarpoq. Taassuma nunarsuarmi angalaarluni misigisaminik isiginnaagassiortarnini inuuniutigaa.
Isiginnaagassiortartup Nunatsinnukannginnermini piareersarnera ataani isiginnaarsinnaavat.