Politiit nalunaarusiaat: Angutit biilertut marluk unnerluussassanngortinneqartut

Nuummi politiit unnuaq sisamanngornerup ullaassaani biilertunik marlunnik unitsitaqarput. Tamarmik inatsisinik unioqqutitsisimasutut pasisaapput.
Unnuaq sisamanngornerup ullaassaaga politiinut eqqissisimanarsimavoq. Biilertunilli misissuinermi angutit marluk unnerluussassanngortinneqarput. Assi © : KNR / Malik Brøns
decembarip 21-at 2023 10:18
Nutserisoq Najâraq Egede

- Unnuarsiornerput politiini eqqissisimasimaqaaq, taama pigaartut pisortaat, Mark Larsen, Nunatta Politiivinit ilisimatitsivoq.

- Sulinitsinni aqqusinikkut angalllattunik unitsitsisarluta misissuinitsinni unioqqutitsinermik marluinnarnik suliareqqitassanngortitsivugut, oqarpoq.

Politiit angalaartillutik biilit unnuap qeqqaliivissoq unitsitaasa ingerlatsisuat angut 36-nik ukioqartoq biilernermut allagartaqanngilaq, allagartaqarnanilu biilersimasutut unnerluussassanngortitaassaaq.

- Paasiniaanitsinni aamma biilit ingerlatani nammineq biilerinagit aallarussarigai aamma paasivarput, taamaattumik eqqunngitsuliorluni allap pigisaanik atuisimasutut aamma unnerluussassanngortinneqassaaq, Mark Larsen oqarpoq.

Qanoq inerneqarumaarnerpoq

Politiit biilertumik allamik unnuaq unitsitsipput, misissuinerminnilu paasivaat aalakoornartutorsimalluni malugisimaartoq.

- Angummi 34-inik ukiulik taanna timaata aalakoornartoqassusianik misissuut atorlugu misissoramikku uttuut 0,5 promille sinnerpaa, taamaammat promillep killissaa sinnerlugu imersimalluni ingerlatsisimasutut unnerluussassanngortitaasoq, pigaartut pisortaat oqarpoq.

Politiit misissuinerminnut atatillugu angutip aaversinnissaa isumagaat, inernerata takutissammagu qanoq eqqartuussisut aalajangiissanersut.

Suliat taakku marluk pinartoqaratik naammassipput, taamaammallu politiinut unnuaq eqqissilluni sulinerusimavoq.