Putinip karrinik Afrikami nunanut arlalinnut akeqanngitsumik pilersuinissi neriorsuutigigaa
Ruslandip Ukrainellu karrit pillugit isumaqatigiissuteqarsinnaanerat suli ilisimaneqanngilaq.
Rusland karrinik Afrikami nunanut arfinilinnut akeqanngitsumik pilersuinissamik isumaqatigiissuteqaqqajaavoq.
Tyrkiamiut præsidentiat, Recep Tayyip Erdogan Ruslandimut ataasinngornermi tikeraarmat, Ruslandip præsidentia Vladimir Putin taama oqarpoq.
- Karrinik Afrikami nunanut arfinilinnut akeqanngitsumik pilersuinissamik siunertaqarluta isumaqatigiissuteqarnissaq naammassilerparput, Putin tusagassiortunik katersortitsinermi oqarpoq.
Karrinik Afrikami nunanut arfilinnut akeqanngitsumik pilersuinissaq sapaatit akunneri arlaqanngitsut qaanngiuppata aallartissasoq, Putin oqarpoq.
Afrikami nunat arfinillit taakku tamarmik karrinik 50.000 tonsinik pilersorneqarnissaannik, Putin neriorsuisareerpoq.
