Aallakaatitassiortut avataaneersut

 

Aallakaatitassiortunut avataaneersunut KNR-ip formatinut pisumasaqaataanut allattorsimaffik 

 

TV:
Filformatimik tunniussinermi:

Signal:
PAL 720x576 (Anamorph)

Audio:
-18 dbfs, PCM, 48.000 Hz, 16 bit, stereo Peak-iata qaffasissusaata referencep qaffasissusaa annerpaamik 6db-nik qaangersinnaavaa.

Codec:
DVC Pro 25 (50i)
Fili toqqorsivimmut ikkuttakkamut immiullugu tunniunneqassaaq, soorlu USB-stick, portable HDD angallattagaq USB-ikkut Firewire 400/800-kkulluunniit ikkutagaq.
Toqqorsivik optiskiusoq aamma atorneqarsinnaavoq

 

FTP-mut nuussineq:

Signal:
PAL 720x576 (Anamorph)

Audio:
-18 dbfs, PCM, 48.000 Hz, 16 bit, stereo Peak-iata qaffasissusaata referencep qaffasissusaa annerpaamik 6db-nik qaangersinnaavaa.

Codec:
H264

 

Båndformatinik tunniussinermi:

Signal:
PAL 720x576 (Anamorph)

Audio:
--18 dbfs, PCM, 48.000 Hz, 16 bit, stereo Peak-iata qaffasissusaata referencep qaffasissusaa annerpaamik 6db-nik qaangersinnaavaa.

Båndformat:
DVCpro25, DVCAM, DV imaluunniit BETACAM SP

Video start:
00:00:00:00 75% colorbar + 1 KHz tone -18 dBfs
00:01:30.00 Qernertoq + aallakaatitassiaq pillugu paasissutissat
00:01:50:00 Qernertoq
00.02:00:00 Aallakaatitassiaq aallartiffia

 

Tunniussinissamut piffissaliussaq:

Aallakaatitassiortut avataaneersut aallakaatitassiaq naammasseriigaq aallakaatitassiap aallakaatinneqarfissaa ullunik suliffiusunik qulinik sioqqullugu kingusinnerpaamik tunniutissavaat.

Aallakaatitassiamik tunniussinermi makku naammassineqarsimassapput:

  • Traileri ataaseq sekundinik 10-20-nik sivisussusilik.
  • Aallakaatitassiap ilisaritinnera titarnernik 3-6-inik nassuiaaserlugu – aallakaatitassiap imarisaa sammineqartorlu/tullu paasissutissiissutigineqassapput. Nangeqattaartuliat pineqartillugit aallakaatitassiat immikkut allagartalerneqartassapput, aallakaatitassiap pineqartoq imarisaalu allaaserineqassallutik).
  • Assilisaq pitsaasoq JPEG formatinngorlugu aallakaatitassiamik ilisarititsissutaasoq (ass. ingerlatsisut/pulaartut/sumiiffik).

 

KNR-ip aallakaatitsisinnaatitaanera:

KNR-ip aallakaatitsiviini tamani, aamma KNR-ip suleqatigisani, KNR-ip pisariaqartitsinera naapertorlugu KNR tamakkiisumik aallakaatitsisinnaatitaavoq.

 

Allat piginnittuutitaaffigisaat:

Aallakaatitassiortutut KNR-imut isumaqatigiissuteqassaguit, allallu piginnittuutitaaffigisaannut akuersissutinik pissarsinissaq ajornartorsiutigalugu, ass. immiussaq toqqorsivimmeersoq isiginnaartitsisartulluunniit peqataasut KNR-ip aallakaatitassiornermut isumaqatigiissummi piumasaatut akuersissummik pissarsiffigisinnaanngisaqaruit, taava isumaqatigiissutissap isumaqatigiinniutigineqarnerani tamatuma erseqqissaatiginissaa pingaaruteqarpoq, taamaasilluta aaqqiissutissamik nassaarniassagatta.

 

Assitalersuineq:

Aallakaatitassiortut, Nunatsinnit-mut aallakaatitassianik pilersuisuusut, aallarniut/naggasiut/allagartat, ungasinngitsukkut uannga downloadersinnaavaat. Aammattaaq assitassat eqqortumik atornissaannut ilitsersuuteqarpoq. Aallakaatitassiortunut meeqqanut aallakaatitassianik pilersuisunut tunngatillugu, aallakaatitassiortoq nammineq assitalersuinikkut ilisarnaartissaminik suliaqarsinnaavoq. KNR-illi aallakaatitassiani ileqqorissaarneq pillugu malittarisassiai malinneqassapput.

Trailerip assitalersornissaanut KNR-ip assitaliussai atorneqassapput, taakkulu ungasinngitsukkut uannga downloaderneqarsinnaapput. Aammattaaq assitassat eqqortumik atornissaanut ilitsersuuteqarpoq. Aallakaatitassiortunut avataaneersunut, suliffeqarfiup ilisarnaataanik ilanngussinissamik kissaateqartunut, tamanna aallakaatitassiap naanerani peqataasut allattorsimaffiisa kingorna takutinneqassaaq.

 

Nipilersukkanik atuineq:

Aallakaatitassiortut avataaneersut aallakaatitassiami nipilersukkanik atuisut, aallakaatitassiortup avataaneersup nammineerluni akuersissummik piniutissavai aammalu nipilersortoq/erinarsuut/sivisussusaa Kodamut nalunaarutigissallugit. Aallakaatitassiortut avataaneersut Kodamut nalunaaruteqartarneri KNR-ip susassaqarfiginngilai.

 

  

    

Aallakaatitassiani aningaasaliisut/pilerisaarineq/aningaasaateqarfiit aningaasaliiffigisaat:       

Aallakaatitassiortut avataaneersut aningaasaliisunik, pilersaarutinik imaluunniit aningaasaateqarfiit aningaasaliissutaannik aallakaatitassiami atuigunik, peqataasut allattorsimaffiini allallugit ilisarnaatitaqartinnagillu taamaallaat eqqaasinnaavaat.

 

Aallakaatitassiornermi ileqqorissaarneq:

Ileqqorissaarnermut malittarisassat KNR-ip sulisuinut atuuttut aamma aallakaatitassiortunut avataaneersunut atuupput, KNR-imi aallakaatitassiani ileqqorissaarnissamut inassutit qulit aajuku: KNR arlaannaanulluunniit attuumanngilaq, tatiginartuuvoq, assigiinngisitaartuuvoq tamatigoortuullunilu, makku pissutigalugit:
1. Isummat assigiinngisitaartuunerinik qulakkeerisussamik sammisat sammiviillu assigiinngisitaartupilussuit sammisarpagut.
2. Nunatsinni innuttaasut suliat tamaasa pillugit paasissutissanik eqqortunik tamatigoortunillu, nammineq isummavut apeqqutaatinnagit, tuninissaat suliassatsitut isigaarput.
3. Killiligaanani oqarsinnaatitaaneq allamullu attuumassuteqannginneq illersorparput KNR-illu aaqqissuisoqarnikkut kiffaanngissuseqarneranut akuliunniarnerit suulluunniit akuerinagit.
4. Innuttaasut nakkutiillisuisut suliassarput pimoorupparput.
5. Tusagassiornerput piviusunik toqqammaveqarpoq pigiliutiikkannamillu isummanik toqqammaveqarani.
6. Sammisami illuatungeriit attuumassuteqartut oqaaseqartissavagut assigiimmillu pillugit.
7. Peqataasussat erseqqissunik isumaqatigiissuteqarfigisarpagut.
8. Meeqqat, inuillu eqqugaasut sanngiitsullu immikkut eqqarsaatigisarpagut.
9. Nammineq peqataasinnaassuseq apeqquserneqarsinnaappat, taava suliaq suleqatigisamut tunniunneqassaaq.
10. KNR-ip tatiginassusaa allanullu attuumassuteqannginnera pillugu nalornisitsilersinnaasunik saniatigut suliffeqassanngilagut tunissutinillu tigusaqassanata.

 

Peqataasut allattorsimaffii pillugit malittarisassat:

KNR-ip tv-kkut aallakaatitaani peqataasut allattorsimaffiini inuit allassimasut piginneqqaartussaatitaanikkut isumaqatigiissuteqarnikkullu pisinnaatitaaffigissavaat, kiisalu kikkut namminersorlutik suliaqarnermikkut aallakaatitassiap pivisunngortinneqarneranut peqataasimanersut isiginnaartartunut paasissutissiissutigineqassallutik. Peqataasut allattorsimaffiisa aallakaatitassiamut ilanngulluarneqarnissaat sapinngisamillu sukkanerpaamik takutinneqartarnissaat KNR-ip kissaatigaa. Peqataasut allattorsimaffii sivisunerpaamik 30 sek.-inik sivisussuseqarsinnaavoq. Aallakaatitassiortunut avataaneersunut, suliffeqarfiup ilisarnaataanik kissaateqartunut, tamanna aallakaatitassiap naanerani peqataasut allattorsimaffiisa kingorna takutinneqassaaq.

KNR attaviginiarukku ataani immersuivik atorlugu allaffigisinnaavatsigut emailikkulluunnit info@knr.gl

imaluunniit uunga KNR | Box 1007 | Issortarfimmut 1A | 3900 Nuuk

Tlf. (+299) 361500 | Fax. (+299) 361502

Akineqarusukkuit email allaguk. Inuttut pisinnaatitaaffitit ataqqillugit emailadressit allanut tunniunneq ajorparput
Suna pillugu attaviginiarpitigut?
Oqaatigerusutatit uani allakkit