Qanorooq nutserisussarsiorpoq

Nutaarsiassanik aaqqissuisoqarfimmi ulapaarfiusumi ineriartorfiusumilu suleqataarusukkuit, maanna periarfissaqalerputit. Qanorooq nutserisumik pikkorissumik septembarip aallaqqaataa aallarnerfigalugu isumaqatigiissuteqarnikkulluunniit atorfinittussamik pissarsiorpoq.

 

Qanorooq suliffiuvoq ulapaarfiusoq tamatigoortorlu, ullormut sunik suliaqarnissaq siumut ilisimaneqareertarani. Nutserisutut suliassavit pingaarnersarissavaat kalaallisut nutaarsiassatta qallunaatut ataatigut allagartalersornissaat. Pitsaassutsimut akornutaanngitsumik sukkasuumik suleriaaseqassaatit.

 

Qanorooq nal. 19.00 toqqaannartumik aallakaatinneqartarpoq, tamatumalu kingorna aatsaat nutserneqarsinnaasunik suliassaqarsinnaasarluni. Taamaammat kingusissukkut sulineq atorfiup ilagivaa.

Innuttaasut nutaarsiassanik pingaarnernik pitsaanerpaanillu tunerusuppagut, tamannalu toqqaannartumik aallakaatitsilluta naammassiniarnissaa nuannarisaraarput. Peqataarusukkuit, makkuninnga piumasaqaateqarfigaatsigit:

  • - Nutserisutut assingusumilluunniit ilinniagaqarnissat
  • - Marluinnik oqaaseqartuunissat, sukkasuumillu kalaallisuumit qallunaatuumut, paarlattuanillu nutserisinnaanissat
  • - Suleqatiginnissinnaalluartuunissat qiimasuunissallu

Qinnuteqarfissaq kingulleq tassaavoq juulip ulluisa pingajuat nal. 12.00.

 

Namminersorlutik Oqartussat aamma Tusagassiortut Peqatigiiffiata/Dansk Journalistforbundip isumaqatigiissutaat naapertorlugu akissarsiatigut atorfininnermilu atugassaqartitsisoqassaaq.

 

Atorfimmut atatillugu inissaqartitsisoqanngilaq. Qinnuteqartorli Namminersorlutik Oqartussani atorfeqarnermini sulisutut ineqartinneqareeruni sulisutut ineqarsinnaatitaanera sulisunut inissianut KNR-imut immikkoortinneqarsimasunut nuunneqarsinnaavoq.

 

Atorfik pillugu paasissutissat amerlanerusut aaqqissuisumut Arnaq Nielsenimut  36 15 71-kkut arn@knr.gl-ikkullu imaluunniit nutaarsiassanut pisortamut Mikkel Bjarnø Lundimut oqarasuaatikkut 36 15 70-imut mib@knr.gl-ikkulluunniit saaffiginnilluni pissarsiarineqarsinnaapput.

 

Qinnuteqarfissaq kingulleq tassaavoq juulip ulluisa pingajuat nal. 12.00.

 

Qinnuteqaat ilinniarsimanermut uppernarsaatinik sulisitsisorisimasallu oqaaseqaataannik ilalerlugu uunga nassiunneqassaaq,

Kalaallit Nunaata Radioa

Postboks 1007

3900 Nuuk - imaluunniit mailikkut: atorfik@knr.gl.