Qanorooq-mi tusagassiortoq/ KNR-ip nutaarsiassaqartitsivia

Aatsitassat, silap allanngoriartornera - namminersulivinnissaq. Suliassavit ilaat tamakkuninnga imaqartassapput, - taannaaguit tusagassiortoq KNR-ip tusagassiortorqarfiani Nuummiittumi atorfinittussaq.

Atorfiniffissaq kingusinnerpaamik 1. november 2017 immikkulluunniit isumaqatigiiffimmi pissaaq.

KNR-ip Nutaarsiassaqartitsitiviata nutaarsiassanik aaqqissuisoqarfiit kattuteqqammerpai ataatsimoortunngortillugit, kiisalu allanngortiterisoqarpoq nutaarsiassat ataatsimik isaavilerlugit piareersaaviusumik. Siunissami tusagassiortut tusagassiivinni assigiingitsuni sulisinnaasussaapput. Taamaasillutik radiukkut, TV-kkut web-ikkullu tusagassiorsinnaassallutik. Tamanna aamma illit piareersimaffigisariaqarpat.  

Atorfinittulli aallaavittut Qanorooq-mut nutaarsiassanik, toqqaannartunik aallakaatitsinernik aammalu nutaarsianik pilersuissapput, suleqatigiit peqatigalugit.     

 

Qanorooq ullut tamaasa TV-kkut nutaarsiassanik saqqumiisarpoq, kiisalu sapaatip akunnerit naanerinut DR-ikkullu aallakaatitassanik 25 minuttinik takissusilinnik sapaatit akunneri tamaasa suliaqartarluni.

Radioavisi akunnerit tamaasa ullaakkut arfineq marluniit unnukkut arfineq pingasut ilanngullugit kalaallisut qallunaatullu nutaarsiassanik aallakaatitsisarpoq, saniatigullu nittartagatigut knr.gl-ikkut nutaarsiassaqartitsisarluta. 

 

Aaqqissuisoqarfiit taasagut aamma nutaarsiassanik nittartakkatsinnut knr.gl-imut tunioraasuupput.

Nunatsinni innuttaassut nutaarsiassanik tutsuiginartunik, pingaarnerpaanik eqqortunillu

nunatsinniit nunanilu allaniit nutaarsiassanik pilersuinissaq pingaartilluinnarparput, peqatigissagutsigullu naatsorsuutigaarput: 

 

  • - tusagassiortutut ilinniarsimanissat assigisaanilluunniit iliniagaqarsimanissat
  • - pimoorusserusuttuunissat sungiussiasuunissallu
  • - Suleqatigiuminartuunissat, ilakkuminartuullutillu pisunik sukuiaallutit  paasiniaasinnaanissat tusagassiortarnissallu

   

Akissarsiat atorfeqarnermullu tunngasut

Akissarsiat atorfeqarnermilu atugassaritaasut, ilanngullugit atorfininnermi sulijunaarnermilu angalanerni pisatallu assartorneqarnerini akiliunneqarluni nuussinnaatitaanernut tunngasut Namminersorlutik Oqartussat Kattuffiullu isumaqatigiin-

niussisinnaasutut piginnaatitaaffeqartup akornini isumaqatigiissutit naapertorlugit suliarineqassapput. 

 

Najugaqarneq

Atorfimmut atatillugu inissiamik pequserssorneqanngitsumik maleruagassat naapertorlugit sulinermut atasumik ineqartoqarsinnaavoq, Inigisamut akiliut iserternermilu akiliutaagallartut maleruagassat naapertorlugit aaqqiivigineqarsimapput. Atorfeqarnermut atasumik ineqartitaaneq atorfeqarnerup nalaani atuuttussaavoq, atorfeqarunnaarnermilu qimanneqartussaalluni.

Inigisamut akiliutit inigisap pitsaassusaa naapertorlugu nalilerneqartarpoq, taamaammat inigisamut akiliutit inigisap pitsaassusaa, pisoqaassusaa, kikkunnit pigineqarnera  pissutillu allat naapertorlugit assigiinngissuteqarsinnaapput.   

Atorfiit pillugit paasissutissat ersarinnerusut pissarsiarineqarsinnaapput akisussaalluni aaqqissuisumut Arnaq Nielsenimut, +299 361525, arn@knr.gl saaffiginninnikkut imaluunniit Nutaarsiassaqartitsinermi pisortamut Mikkel Bjarnø Lundimut +299 361570-mut sianernikkut imaluunniit mib@knr.gl aqqutigalugu allannikkut.

 

Qinnuteqaat nalunaaqutserneqasaaq ”Qanoruumi Tusagassiortoq” qinnuteqaammut ilanngunneqassapput CV, kiislu ilinniarsimanermik uppernarsaatit, minnerunngitsumillu siusinnerusukkut suliffigisimasanik uppernarsaatit ilanngunneqassallutik.

Qinnuteqaat kingusinnerpaamik 26. september 2017 nal. 12.00 tigusimassavarput.

Uungalu nassiunneqassaaq:

 

Kalaallit Nunaata Radioa

Postbox 1007

3900 Nuuk

 

Aamma elektroniskimik uunga nassiussinnaavat: atorfik@knr.gl