Unammisitsinerit inerneri takukkit
Tooruk-->
Tooruk--> 
QAPUK!
QAPUK! TV-kut isiginnaagassiaavoq arfineq pingasunik immikkoortortalik, kulturimut eqqumiitsuliornermullutunngasoq.
QAPUK! Tv-kut isiginnaagassiaavoq studiami pulaartoqartartoq. Ilanngutassiat ilumoorsaartuunngitsut quujanartullu, eqqumiitsuliortut nipilersortartulluunniit tigulaakkat, eqqumiitsuliortunik ilisarititsillatsiarnerit imaluunniit piviusut tunngavigalugit ilanngutassiat kultureqarnerup eqqumiitsuliornerullu uatsinnut qanoq pingaaruteqartigisusiannik, eqqissilluta persuarsiornatalu oqallinnissatsinnut tunngavissaqartilerpaatigut.
Suna eqqumiitsuliaava sunalu kulturiua? Eqqumiitsuliorneq qanoq atortarparput (isiginnaartitsineq, fiilmit, assilialiorluni eqqumiitsuliorneq, oqaluttuat taallatut allakkat, nipilersorneq) ulluinnarni qanoq atortarpavut?
Eqqumiitsuliartut isumassarsillaqqissullu Kalaallit Nunaannut tunniussisinnaappat?
Tamatumunnga peqatigitillugu QAPUK! isummassarsiornermik piginnanilinnik tapersersuivoq aallakaatitassianut atortussanik inuit nassiussequnerigisut. Taakkunani ilaatigut fiilmimik naatsulianik unammisitsineq, piginnaanillit takutitsinerat, Greenlands Funniest Home Videos.
Oqartoqartarpoq eqqumiitsuliornerup inuunerput pissusiviatigut oqaatigisaraa ilusilersortarlugulu. Eqqumiitsuliornerup ikiorsinnaavatsigut uku paasisaqarfigalugit:
- Kalaallit Nunaanni inuttut pingaartitavut suunersut?
- Pingaartitavut suut akuersaarneqarsinnaappat suullu akuersaarneqarsinnanngillat?
Akisussaasoq: Inuk Silis Høegh, akisussaaqataasoq / pulaartoqartussaq: Markus E.Olsen.
Isumassarsiaq / ineriartortinnera: Stina Berthelsen & Inuk Silis Høegh.
Suliaq tapersersoneqarpot ilaatigut ukunnnga: N. A. P. A. Grønlands Hjemmestyre-miillu.
QAPUK! Siullermeerluni KNR-TV-kut aallakaatinneqarpoq apriili 10-ani 2008, 31 .majiilu 2008 toqqaannartumik aliikkusersuilluni.
